ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

నా తల్లిని సజీవదహనం చేసిన హంతకులను శిక్షించండి: సీఎంకు రక్తంతో ఉత్తరం రాసిన బాలిక

Fri, Aug 12, 2016, 04:12 PM
Related Image తన తల్లిని చంపిన హంతకులపై చర్యలు తీసుకోవాలని కోరుతూ సీఎం అఖిలేష్ యాదవ్ కు యూపీ బాలిక ఒక లేఖ రాసింది. ఈ లేఖను మామూలుగా ఇంకుతో కాదు, తన రక్తంతో రాసింది. బులంద్ షహర్ పట్టణానికి చెందిన ఒక వివాహితకు ఇద్దరు కుమార్తెలు. అందులో పెద్ద కుమార్తె ఈ లేఖను సీఎంకు రాసింది. మగ సంతానానికి జన్మ నివ్వలేదనే కారణంగా తన తల్లిని తన తండ్రి మనోజ్ బన్సాల్, ఇతర కుటుంబసభ్యులు తమ కళ్లెదుటే సజీవదహనం చేశారని, తనను, తన చెల్లిని ఒక గదిలో బంధించి తమ తల్లికి నిప్పంటించారని పేర్కొంది.

తనను, తన చెల్లిని కూడా చంపేస్తామని వారు బెదిరిస్తున్నారని, ఈ విషయమై పోలీసులు తమకు ఎటువంటి సాయం చేయకపోగా, నిందితులకు వారు రక్షణగా నిలుస్తున్నారని ఆ లేఖలో పేర్కొంది. కాగా, ఈ జులైలో ఈ విషయమై సీఎం అఖిలేష్ కు ఈ బాలిక ఒక లేఖ రాసింది. అయితే, దీనిపై సీఎం స్పందించకపోవడంతో, తాజాగా మరోమారు ఈ లేఖను తన రక్తంతో రాసింది. ఈవిధంగా చేస్తే సీఎం స్పందిస్తారనే ఇలా లేఖ రాశానని ఆ బాలిక పేర్కొంది.

మహిళను చంపిన మర్నాడే మనోజ్ బన్సాల్ ను అరెస్ట్ చేశారు. అయితే, ఆయన ఇతర కుటుంబసభ్యులపై కేసు నమోదు చేశారు కానీ, వారిని అరెస్ట్ చేయలేదని సదరు బాలిక ఆరోపించింది. నిందితులపై ఎటువంటి చర్యలు తీసుకోవడం లేదని ఆరోపించింది. అయితే, బులంద్ షహర్ సీనియర్ ఎస్పీ అనీస్ అన్సారీ మాత్రం ఆధారాలు సేకరిస్తున్నామని, నిందితులను వదిలిపెట్టమని చెబుతున్నారు.
X

Feedback Form

Your IP address: 50.16.17.16
Articles (Latest)
Articles (Education)