ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

470 మందిని జీవన్మరణ సమస్య నుంచి బంధవిముక్తుల్ని చేస్తున్నా: సామూహిక హత్యాకాండకు పాల్పడ్డ ఉన్మాది స్పీకర్ కు ముందే రాసిన లేఖ

Tue, Jul 26, 2016, 04:09 PM
జపాన్ లో అంగవికలుర ఆశ్రమంపై దాడి చేసి 19 మందిని కత్తితో నరికి చంపిన ఉన్మాది సతోషీ ఉమత్సు, అంతకుముందే జపాన్ దిగువ సభ స్పీకర్ ను ఉద్దేశించి తాను చేయబోయే పని గురించి ఓ లేఖ రాశాడు. జీవన్మరణ పోరాటం చేస్తున్న 470 మందిని తాను బంధవిముక్తుల్ని చేస్తున్నానని చెప్పాడు. తాను ఎందుకు దాడి చేయాలనుకుంటున్నదీ వివరించాడు. తాను చేస్తున్న పని తప్పని తెలుసునని, అయినా, ప్రజా క్షేమం, జాతి ఆర్థిక వ్యవస్థ కోసం ఈ పని చేస్తున్నానని, తాను చేసే పని బాధితులందరికీ మేలు కలిగించేదేనని అన్నాడు.

గతంలో అదే ఆశ్రమంలో ఉద్యోగిగా ఉన్న సమయంలో దీనంగా వారు చూసే చూపులు తనను కదిల్చివేసేవని, అందుకే ఈ నిర్ణయం తీసుకున్నానని తెలిపాడు. తన ఉద్దేశాన్ని ప్రధాని షింజో అబేకు తెలియజేయాలని వేడుకున్నాడు. మానవత్వంతోనే తానీ పని చేయాలని నిర్ణయించుకున్నానని, ఎంతో ఆలోచించిన మీదట ఈ పనే చేయాలని తన మనసు చెప్పిందని అన్నాడు. తన లక్ష్యాన్ని అర్థం చేసుకోవాలని కోరాడు. ఇప్పుడీ లేఖ జపాన్ లో సంచలనం కలిగిస్తోంది.
X

Feedback Form

Your IP address: 54.158.84.38
Articles (Latest)
Articles (Education)