ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

టర్కీలో అత్యవసర పరిస్థితి విధింపు.. ప‌టిష్ట‌మైన‌ భద్రత ఏర్పాటు చేయనున్న ప్రభుత్వం

Thu, Jul 21, 2016, 10:24 AM
ఇటీవ‌ల ట‌ర్కీలో జరిగిన సైనిక తిరుగుబాటుతో ఆ దేశంలో క‌ల‌క‌లం చెల‌రేగిన విష‌యం తెలిసిందే. ప‌రిస్థితిని పూర్తిగా అదుపులోకి తెచ్చి తిరిగి ప్ర‌శాంత వాతావ‌ర‌ణం నెల‌కొల్ప‌డానికి ఆ దేశ ప్ర‌భుత్వం ప‌లు చ‌ర్య‌లు తీసుకుంటోంది. ఇప్ప‌టికే 50 వేల మందిపై చ‌ర్య‌లు తీసుకోవాల‌ని నిర్ణ‌యం తీసుకున్న తయీప్‌ ఎర్డగాన్ ప్ర‌భుత్వం తాజాగా ఆ దేశంలో మూడు నెలల పాటు అత్యవసర పరిస్థితిని విధిస్తున్నట్లు పేర్కొంది.

టర్కీ జాతీయ భద్రతామండలి, కేబినెట్‌ సమావేశమైన అనంత‌రం ఈ మేర‌కు ట‌ర్కీ అధ్య‌క్షుడు తయీప్‌ ఎర్డగాన్ ఈ ప్ర‌క‌ట‌న చేశారు. సైనిక తిరుగుబాటుకు అమెరికాలో ఉంటూ ఉగ్ర‌వాద‌ సంస్థ‌ను న‌డిపిస్తోన్న‌ ఫెతుల్లా గులెన్ అనే వ్య‌క్తే కార‌ణ‌మ‌ని నిన్న ఆ దేశ ప్రభుత్వం అనుమానం వ్య‌క్తం చేసిన సంగ‌తి తెలిసిందే. తిరుగుబాటుకి ఉగ్రవాదుల హస్తం ఉంద‌న్న అనుమానంపై స‌మ‌గ్రంగా ద‌ర్యాప్తు చేస్తోంది. ఈ నేప‌థ్యంలోనే అత్య‌వ‌స‌ర పరిస్థితి విధించారు.

ప్రజాస్వామ్యాన్ని ప‌రిర‌క్షించే అంశంలో తాము వెన‌కాడ‌బోమ‌ని ట‌ర్కీ ప్ర‌భుత్వం తెలిపింది. దేశంలో ప‌టిష్ట‌మైన‌ భద్రత ఏర్పాటు చేయ‌నున్న‌ట్లు పేర్కొంది. టర్కీ జాతీయ భద్రతామండలి, కేబినెట్‌ సమావేశమైన అనంతరం ఈ నిర్ణయం ప్రకటించారు.
X

Feedback Form

Your IP address: 54.159.154.210
Articles (Latest)
Articles (Education)