ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

రూ. 1,225 కోట్లు సొంతానికి వాడుకున్న మాల్యా: స్వయంగా అంగీకరించిన యునైటెడ్ స్పిరిట్స్

Sun, Jul 10, 2016, 10:23 AM
యూబీ గ్రూప్ మాజీ చైర్మన్ విజయ్ మాల్యా మరిన్ని చిక్కుల్లో పడ్డారు. ఆయన యునైటెడ్ స్పిరిట్స్ సంస్థను నిర్వహిస్తున్న వేళ, రూ. 1,225.30 కోట్లను సొంత అవసరాల నిమిత్తం దారి మళ్లించినట్టు సంస్థ ప్రకటించింది. ఆయన హయాంలో నిధుల దుర్వినియోగం అయిందని, ఆ లావాదేవీల్లో పారదర్శకత లేదని వెల్లడించింది. లిక్కర్ జెయింట్ డియాజియో, యూఎస్ఎల్ ను కొనుగోలు చేసిన తరువాత సంస్థ లావాదేవీలపై విచారణ జరపగా, ఈ విషయం వెలుగులోకి వచ్చింది.

ప్రస్తుతం అరెస్టును తప్పించుకునేందుకు లండన్ లో తలదాచుకున్న మాల్యా, యూఎస్ఎల్ నుంచి పూర్తిగా తప్పుకునేందుకు డియాజియో నుంచి రూ. 500 కోట్లు తీసుకున్న సంగతి తెలిసిందే. యూఎస్ఎల్ నుంచి ఆ నిధులను కింగ్ ఫిషర్ ఎయిర్, ఫార్ములా వన్ లకు తరలించాడని తెలుస్తోంది. ఈ లావాదేవీలు అక్టోబర్ 2010 నుంచి జూలై 2014 మధ్య జరిగినట్టు సమాచారం. తాజా ఆరోపణలపై విజయ్ మాల్యా ఇంకా స్పందించలేదు.
X

Feedback Form

Your IP address: 54.166.74.48
Articles (Latest)
Articles (Education)