ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

నిజాయతీకి అతను మారుపేరు... 1.25 కోట్లు దొరికితే...తిరిగిచ్చేశాడు

Thu, Jul 07, 2016, 03:47 PM
Related Image కూటికి పేదలైనా గుణంలో మాత్రం కుబేరులుంటారు. అమెరికాలో ఓ టాక్సీ డ్రైవర్ నిజాయతీ బోస్టన్ హీరోను చేసింది. వివరాల్లోకి వెళ్తే... అమెరికాలోని బోస్టన్ నగరంలో ఓ ప్రయాణికుడు నార్తర్న్ యూనివర్సిటీకి వెళ్లాలంటూ ఓ టాక్సీని బాడుగకు మాట్లాడుకున్నాడు. యూనివర్సిటీ వద్ద దిగిన ప్రయాణికుడు యూనివర్సిటీలోకి వెళ్లే హడావుడిలో కార్లోనే బ్యాగు మర్చిపోయాడు. తర్వాత కారు వెనక్కు తిప్పుకుని వెళుతున్న ఆ డ్రైవర్ కొంత సేపటికి వెనుకసీట్లో ఓ బ్యాగును గుర్తించాడు. ఆ బ్యాగులో 1.87 లక్షల డాలర్ల (1.25 కోట్ల రూపాయలు) సొమ్ము ఉండడం చూశాడు.

దీంతో తన టాక్సీని నేరుగా పోలీస్ స్టేషన్ కు పోనిచ్చి, ఆ మొత్తాన్ని పోలీసులకు అప్పగించాడు. డ్రైవర్ పోలీస్ స్టేషన్ లో డబ్బు అప్పగించిన కాసేపటికే తన డబ్బు టాక్సీలో మర్చిపోయానంటూ ఓ వ్యక్తి నుంచి పోలీసులకు ఫోన్ వచ్చింది. విచారణ అనంతరం ఆ డబ్బును ప్రయాణికుడికి అందించారు. డ్రైవర్ నిజాయతీ ప్రశంసనీయమని చెప్పిన పోలీసు అధికారులు అతనిని తగిన విధంగా సత్కరించాల్సిన అవసరం ఉందని అన్నారు.
X

Feedback Form

Your IP address: 54.158.173.184
Articles (Latest)
Articles (Education)