ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

గుట్టుగా దాచిన సొమ్ము... టైం బాంబే!: అక్రమార్కుల్లో గుబులు రేపుతున్న ఐటీ శాఖ యాడ్!

Sat, Jul 02, 2016, 11:35 AM
Related Image గుట్టుగా దాచేసిన ఆదాయంపై కొరడా తప్పదని నరేంద్ర మోదీ సర్కారు తేల్చిచెప్పేసింది. ఇప్పటికీ ఎవరి వద్దైనా అలాంటి సొమ్ము ఉంటే సెప్టెంబర్ 30లోగా వెల్లడించేసి స్వల్ప పన్నుతో సేఫ్ జోన్ లోకి వెళ్లాలని కూడా కేంద్రం సూచించింది. ఈ నేపథ్యంలో దీనిపై దేశ ప్రజలను అప్రమత్తం చేసేందుకు ఆదాయపన్ను శాఖ ఓ వాణిజ్య ప్రకటనను రూపొందించింది. సదరు ప్రకటన నేటి ఉదయం రిలీజైంది. పలు జాతీయ, ప్రాంతీయ ఛానెళ్లలో ప్రసారవుతున్న ఈ యాడ్ ఆసక్తికరంగా సాగుతోంది. సదరు యాడ్ లో గుట్టుగా దాచేసిన సొమ్మును ఆ శాఖ టైం బాంబుతో పోల్చింది.

గుట్టుగా దాచేస్తున్న నిధులు త్వరలోనే టైం బాంబుగా మారిపోవడం ఖాయమని చెబుతూ రూపొందించిన ఆ యాడ్ లో... చేతికొచ్చిన ఆదాయాన్ని పన్ను కట్టకుండానే దాచేస్తున్న వ్యక్తి దర్శనమిస్తున్నాడు. బ్యాక్ గ్రౌండ్ లో వినిపించే ఓ సాంగ్ తో అతడికి ముచ్చెమటలు పడతాయి. ఈ క్రమంలోనే అలాంటి నిధి టైం బాంబుగా మారుతుందన్న హెచ్చరికతో సదరు వ్యక్తి పన్ను చెల్లించేందుకు సిద్ధమవుతాడు. గుట్టుగా దాచేస్తున్న సొమ్మును టైం బాంబుగా పోలుస్తూ ఆదాయపన్ను శాఖ రూపొందించిన ఆ యాడ్ అక్రమార్కుల్లో గుబులు రేపేలానే ఉంది.
X

Feedback Form

Your IP address: 54.204.130.177
Articles (Latest)
Articles (Education)