ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

‘పూర్’ ఉద్యోగులపై చైనా రూరల్ బ్యాంక్ బెత్తం శిక్ష!... వీడియో వైరల్

Wed, Jun 22, 2016, 08:49 AM
Related Image పనితీరులో ఆ 8 మంది ఉద్యోగులంతా ‘పూర్’గా ఉన్నారట. నిర్దేశించిన మేర ఫలితాలను రాబట్టలేకపోయారట. అంతే... వారంతా పనిచేస్తున్న సంస్థ వారిని వరుసగా నిలబెట్టి బెత్తానికి పని చెప్పింది. సహచర ఉద్యోగులు విందారగిస్తుండగా, వేదికపై వరుసగా నిలబడ్డ వారిపై బెత్తంతో సంస్థ అధికారి విరుచుచుకుపడ్డాడు. వరుసలోని ఓ చివర నుంచి మొదలు పెట్టి ఈ చివర దాకా దెబ్బలేస్తూ ఆ అధికారి అలా నాలుగు రౌండ్ల శిక్ష వేశాడు. మూడు దెబ్బల దాకా కదలకుండానే నిలబడ్డ ఉద్యోగులు నాలుగో దెబ్బకు మాత్రం బాధతో మెలిక లు తిరిగిపోయారు. చైనాలో చోటుచేసుకున్న ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్ గా మారిపోయింది.

వివరాల్లోకెళితే... చైనాలోని ఓ రూరల్ బ్యాంకు తన సిబ్బందికి టార్గెట్లు పెట్టి మరీ పని చేయిస్తోంది. ఆ బ్యాంకుకు చెందిన ఓ శాఖలో పనిచేస్తున్న 8 మంది సిబ్బంది (నలుగురు మహిళలు, నలుగురు పురుషులు) నిర్దేశిత టార్గెట్లను చేరుకోవడంలో విఫలమయ్యారు. దీంతో ఆ శాఖ సిబ్బందికి ఏర్పాటు చేసిన నైపుణ్య శిక్షణ సమావేశంలో భాగంగా డిన్నర్ ఏర్పాటైంది. ఈ డిన్నర్ కు శాఖ సిబ్బంది అంతా హాజరయ్యారు. విందారగించేందుకు టేబుళ్ల ముందు కూర్చున్నారు. అయితే ‘పూర్’ ప్రదర్శన కనబరచిన ఆ 8 మందిని మాత్రం బ్యాంకు మేనేజర్ వేదికపై వరుసగా నిలబెట్టాడు. వారి పనితీరు బాగోలేదని వారితోనే మైకులో చెప్పించారు.

ఆ తర్వాత తొలుత వరుసలో పురుషులు నిలబడ్డ వైపు నుంచి మొదలుపెట్టి ఆ మేనేజర్... వరుసగా వారిపై బెత్తం దెబ్బలేస్తూ మహిళలు ఉన్న చివరి వరకు చేరారు. ఆ వెంటనే మళ్లీ మహిళల వైపు నుంచి రివర్స్ గా బెబ్బలేస్తూ ముందుకు సాగారు. ఇలా మూడో రౌండ్ దెబ్బల దాకా బాధితులు కదలకుండానే నిలబడ్డారు. నాలుగో దెబ్బ పడగానే మహిళల వైపు వరుస చివరలో నిలబడ్డ ఓ యువతి బెత్తం దెబ్బలకు తాళలేక మెలికలు తిరిగిపోయింది. ఉద్యోగులపై బెత్తంతో ప్రతాపం చూపిన వ్యక్తి బ్యాంకు మేనేజర్ కాదని, ఆ సంస్థ నియమించుకున్న కార్పొరేట్ ట్రైయినర్ అని స్థానిక అధికారులు ఆ తర్వాత నిర్ధారించారు.
X

Feedback Form

Your IP address: 54.161.208.7
Articles (Latest)
Articles (Education)