ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

వారం క్రితమే లండన్ చెక్కేసిన మాల్యా!... సుప్రీంకు తెలిపిన కేంద్రం!

Thu, Mar 10, 2016, 06:47 AM
Related Image లిక్కర్ కింగ్ విజయ్ మాల్యా బ్యాంకులకే కాదండోయ్, కేంద్ర ప్రభుత్వానికి కూడా షాకిచ్చారు. ఓ వైపు మాల్యాకు ఇచ్చిన అప్పులను వసూలు చేసుకునేందుకు బ్యాంకులన్నీ కలిసి కోర్టుల బాట పడితే, అప్పటికే మాల్యా తాననుకున్నట్టుగానే విదేశాలకు చెక్కేశారు. భారత్ లో విమానం ఎక్కిన ఆయన నేరుగా లండన్ లో వాలిపోయారు.

ఈ మేరకు నిన్న సర్వోన్నత న్యాయస్థానం సుప్రీంకోర్టులో జరిగిన విచారణ సందర్భంగా కేంద్రం ఈ విషయాన్ని ఒప్పేసుకుంది. డియాజియో నుంచి రూ.515 కోట్ల గుడ్ విల్ తీసుకున్న తర్వాత లండన్ వెళ్లిపోతానంటూ మాల్యా నుంచి ప్రకటన రావడంతోనే ఒక్కసారిగా బ్యాంకులన్నీ అప్రమత్తం అయ్యాయి. మాల్యాను దేశం విడిచివెళ్లకుండా కట్టడి చేసేందుకు రంగంలోకి దిగాయి.

బ్యాంకులు ఆ పనిలో ఉండగానే, మాల్యా నింపాదిగా లండన్ కు చెక్కేశారు. అది కూడా బ్యాంకులు ఇంకా పూర్తిస్థాయిలో రంగంలోకి దిగకముందే మాల్యా విదేశాలకు పరారయ్యారని కేంద్ర ప్రభుత్వం తరఫున అటార్నీ జనరల్ ముకుల్ రోహత్గీ కోర్టుకు వెల్లడించారు. ఈ నెల 2న మాల్యా విదేశాలకు వెళ్లిపోయినట్లు సీబీఐ అధికారులు గుర్తించారని ఆయన కోర్టుకు చెప్పారు. మాల్యాను నిలువరించే విషయంలో సీబీఐ లుకౌట్ నోటీసులు కూడా పనిచేయలేదని ఈ ఘటనతో తేలిపోయింది.
X

Feedback Form

Your IP address: 54.163.94.5
Articles (Latest)
Articles (Education)