ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

రూ. 10 వేల నుంచి రూ. 6.8 లక్షల వరకూ పెరగనున్న కార్ల ధరలు... పూర్తి జాబితా!

Tue, Dec 15, 2015, 12:19 PM
Related Image పెరిగిన పన్నులు, ఉత్పత్తి వ్యయాలను కారణాలుగా చూపుతూ, కొత్త సంవత్సరం నుంచి కార్ల ధరలను పెంచాలని ఆటో ఇండస్ట్రీ కంపెనీలు నిర్ణయించిన సంగతి తెలిసిందే. ఈ నేపథ్యంలో మార్కెట్లోని అన్ని కార్ల ధరలూ రూ. 10 వేల నుంచి రూ. 6.8 లక్షల వరకూ పెరగనున్నాయి. ఏ సంస్థ ఎంతమేర ధరలను పెంచనున్నదంటే...
* మారుతి సుజుకి: ఇండియాలో అత్యధికంగా కార్లను విక్రయిస్తున్న ఈ సంస్థ తన అన్ని మోడళ్లపైనా రూ. 20 వేల వరకూ భారం మోపనుంది.
* హ్యుందాయ్ మోటార్స్: సౌత్ కొరియా కేంద్రంగా భారతీయులకు దగ్గరైన హ్యుందాయ్, తానందిస్తున్న కార్లపై రూ. 30 వేల వరకూ ధరలను పెంచనుంది.
* టయోటా కిర్లోస్కర్: జపాన్ కేంద్రంగా ఇండియాలో వాహనాలను అమ్ముతున్న సంస్థ కనీసం రూ. 10 వేల నుంచి రూ. 3.8 లక్షల వరకూ ధరలను పెంచాలని నిర్ణయించింది.
* మెర్సిడిస్ బెంజ్ ఇండియా: ఈ సంస్థ ఇండియాలో అందిస్తున్న కార్ల ధరలు రూ. 27.5 లక్షల నుంచి మొదలై రూ. 2.7 కోట్ల వరకూ ఉన్నాయి. వీటిపై కనీసం 2 నుంచి 3 శాతం ధర పెంచినా, ఆ భారం రూ. 55 వేల నుంచి రూ. 5.4 లక్షల వరకూ కస్టమర్లపై పడుతుంది.
* బీఎండబ్ల్యూ ఇండియా: హైఎండ్ లగ్జరీ కార్లను విక్రయిస్తున్న సంస్థ ధరలను పెంచితే, రూ. 57 వేల నుంచి రూ. 6.8 లక్షల వరకూ కార్లు భారమవుతాయి.
* జనరల్ మోటార్స్: తమ వాహనాలపై 3 శాతం ధరలు పెంచాలని నిర్ణయించిన జనరల్ మోటార్స్ అందించే వాహనాలు కొనాలంటే అధికంగా రూ. 33,700 వరకూ చెల్లించాల్సి వుంటుంది.
నిస్సాన్: ఎంచుకునే మోడల్ ను బట్టి రూ. 55 వేల వరకూ ధరలు పెరగనున్నాయని ఇప్పటికే నిస్సాన్ వెల్లడించింది.
రినాల్ట్ ఇండియా: ఫ్రాన్స్ కేంద్రంగా పనిచేస్తున్న రినాల్ట్ ఎస్ఎఎస్ అనుబంధ సంస్థగా ఇండియాలో పనిచేస్తున్న ఈ సంస్థ తన వాహనాల ధరలను రూ. 50 వేల వరకూ పెంచనుంది.
స్కోడా: స్కోడా అందిస్తున్న ఎంటైర్ రేంజ్ పై జనవరి నుంచి రూ. 50 వేల వరకూ అదనపు భారం పడనుంది.
టాటా మోటార్స్: పాసింజర్ కార్ సెగ్మెంట్ లో అగ్రగామిగా ఉన్న టాటా మోటార్స్ కార్ల ధరలు రూ. 20 వేల వరకూ పెరగనున్నాయి.
X

Feedback Form

Your IP address: 54.167.142.229
Articles (Latest)
Articles (Education)