ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

గూగుల్ ఉద్యోగులకు మాత్రమే తెలిసున్న పదాలివి!

Mon, Nov 09, 2015, 01:09 PM
గూగుల్... ప్రపంచవ్యాప్తంగా అత్యంత ఆహ్లాదకర వాతావరణంలో పనిచేస్తున్న ఉద్యోగులుండే సంస్థ. దాదాపు 40 వేల మందికి పైగా ఉద్యోగాలను అందించిన సంస్థలో చేరాలని భావించకుండా ఉండే టెక్కీ కనిపించడంటే అతిశయోక్తి కాదు. ఆ కంపెనీలో చేరిన వారికి మాత్రమే పరిచయమయ్యే కొన్ని పదాలున్నాయి. వీటి గురించి తెలియాలన్నా, తెలుసుకోవాలన్నా గూగుల్ లో ఉద్యోగం పొందాల్సిందే. అవేంటంటే...
ప్లెక్స్: దీన్నే గూగుల్ ప్లెక్స్ అని కూడా పిలుచుకుంటారు. విశాలమైన పర్వత దృశ్యాలకు అభిముఖంగా ఉన్న క్యాంపస్ ఇది. దీన్ని ఉద్యోగులు ముద్దుగా ప్లెక్స్ అని పిలుస్తుంటారు.
జీబైక్: గూగుల్ క్యాంపస్ లో ఉద్యోగుల రవాణాకు వాడే సైకిళ్ల పేరిది. మీరెప్పుడైనా ఏదైనా గూగుల్ క్యాంపస్ ను సందర్శిస్తే, రంగురంగుల్లో ఉన్న ఈ సైకిల్ బైక్ లు ఆకర్షిస్తాయి.
స్టాన్: గూగుల్ ప్లెక్స్ కు మీరు వెళితే స్టాన్ కనిపిస్తుంది. ఇది గూగుల్ సొంత టీ-రెక్స్ (రాక్షసబల్లిలో ఓ జాతి) ఆస్థిపంజరాకృతి. ఉద్యోగుల దృష్టిలో గూగుల్ ఎన్నడూ డైనోసార్ కాబోదని చెప్పేందుకు దీన్ని నిలిపారట.
నూగ్లర్: మీరు గూగుల్ కు కొత్తవారైతే, మిమ్మల్ని నూగ్లర్ అని పిలుస్తారు. వాడుక పరిభాషలో న్యూ-గ్లర్ అన్నమాట. కార్యాలయంలో కొత్తవారిని గుర్తించేందుకు వీరికి ఓ టోపీని ఇస్తారు. దీంతో వారు నూగ్లర్ అని మిగతావారికి తెలుస్తుంది.
గేగ్లర్స్: ఎల్జీబీటీ (లెస్బియన్, గే, బైసెక్స్యువల్, ట్రాన్స్ జండర్), వారి మద్దతుదారులను గేగ్లర్స్ అని పిలుస్తారు. గూగుల్ లో సుమారు 40 మంది ఈ తరహా ఉద్యోగులున్నారు. సంస్థ చీఫ్ ఇంటర్నెట్ ఎవాంజలిస్ట్ వింట్ సెర్ఫ్ కూడా గేగ్లరేనట.
క్సూగ్లర్: గూగుల్ లో ఉద్యోగం వద్దని రాజీనామా చేసి వెళ్లేవారికి పెట్టుకున్న పేరిది. ఎక్స్ గూగులర్ అన్న పదాన్ని కలిపి క్సూగ్లర్ ను పుట్టించారు. తొలి క్సూగ్లర్ పేరు డగ్ ఎడ్వర్డ్స్. గూగుల్ లో ఎంప్లాయి నంబర్ 59.
గూగుల్ జీస్ట్: గూగుల్ లో ఉద్యోగుల అభిప్రాయాలు, మేనేజర్ల పనితీరు గురించి చేసే సర్వేకు పెట్టుకున్న పేరిది. సంస్థలోని 90 శాతం మంది ఉద్యోగులు మానవ వనరుల విభాగం నుంచి వచ్చే ప్రశ్నలకు గూగుల్ జీస్ట్ లో భాగంగా సమాధానమిస్తారు.
పెర్ఫ్: వివిధ సందర్భాల్లో ఉద్యోగులు ఓ చోట చేరిన వేళ తన కళను ప్రదర్శించే పెర్ఫార్మర్లను పిలుచుకునే పేరిది.
టీజిఫ్: వారాంతం వచ్చిందంటే, అందుకు సంకేతంగా ఉద్యోగులు టీజిఫ్ (థ్యాంక్ గాడ్ ఇట్స్ ఫ్రైడే-TGIF) అంటారట. ప్రతి గురువారమూ గూగుల్ క్యాంపస్ లలో సాయంత్రం వేళ టీజిఫ్ జరుగుతుంటుంది. ఇక్కడే నూగ్లర్స్ కు టోపీలను అందిస్తారట.
టెక్ స్టాప్: గూగుల్ ఐటీ విభాగానికి పెట్టుకున్న కోడ్ నేమ్ ఇది. టెక్ స్టాప్ ఉద్యోగులే గూగుల్ కార్యాలయాల్లోని కంప్యూటర్లను అమర్చడం, వాటి పనితీరు పర్యవేక్షిస్తుండటం చేస్తుంటారు.
గట్స్: గూగుల్ యూనివర్సల్ టికెటింగ్ సిస్టమ్ (GUTS) ఇది. కంపెనీలో ఏవైనా సమస్యలు తలెత్తినప్పుడు, వాటిని ఆన్ లైన్లో ఉంచి, దానికో టికెట్ నంబర్ ఇచ్చి, పరిష్కారం ఎంతవరకూ వచ్చిందన్న విషయాన్ని ఎప్పటికప్పుడు తెలుసుకునేందుకు గట్స్ ఉపకరిస్తుంది.
20% టైమ్: గూగుల్ లో చేయాల్సిన పని కాకుండా, ఉద్యోగి తనకు నచ్చిన పని చేసుకునేందుకు 20 శాతం సమయాన్ని కేటాయిస్తారు. ఓ ఉద్యోగి 20% టైమ్ లో ఉన్నాడంటే, అసలు పని కాకుండా ఇంకో సొంత పనిలో ఉన్నట్టు. సాధారణంగా ఉద్యోగులు ఈ 20 శాతం సమయంలో జీమెయిల్, గూగుల్ న్యూస్, యాడ్ సెన్స్ వంటి గూగుల్ ప్రొడక్టుల చుట్టూ తిరుగుతుంటారట.
X

Feedback Form

Your IP address: 50.16.51.93
Articles (Latest)
Articles (Education)