ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

మైక్రోసాఫ్ట్ ఇంటర్వ్యూల్లో అడిగిన 'ట్రిక్కీ' ప్రశ్నలివి!

Fri, Nov 06, 2015, 01:30 PM
మైక్రోసాఫ్ట్... ప్రపంచంలోని అతిపెద్ద ఐటీ కంపెనీల్లో ఒకటి. ఆ సంస్థలో ఉద్యోగం రావాలని కోరుకునే వారెందరో. మైక్రోసాఫ్ట్ లో ఉద్యోగం కోసం వెళితే, జరిగే ఇంటర్వ్యూల్లో ఎటువంటి ప్రశ్నలు అడుగుతారు? ఈ సందేహం ఎంతో మంది ఉద్యోగార్థుల్లో ఉంటుంది. వ్యక్తిగత విషయాలు, స్కిల్స్ పై ప్రశ్నలతో పాటు కొన్ని 'ట్రిక్కీ' ప్రశ్నలు సైతం ఎదురవుతాయి. అవి ఎలా ఉంటాయంటే...
* అత్యుత్తమంగా డిజైన్ చేయబడ్డ వెబ్ సైట్లలో ఒకదాని గురించి చెప్పండి. (డిజైన్ విభాగంలో)
* ఓ పేకల కట్ట సక్రమంగా కలిపారని ఎలా కనుగొంటారు? (సాఫ్ట్ వేర్ డెవలప్ మెంట్ విభాగంలో)
* నువ్వు గూగుల్ సంస్థలో ఎందుకు చేరలేదు? (సీనియర్ బిజినెస్ డెవలప్ మెంట్ మేనేజర్ అభ్యర్థికి)
* ఐఫోన్లకు ఆఫీస్ ప్రొడక్టులను డిజైన్ చేయాలన్న మైక్రోసాఫ్ట్ నిర్ణయంపై ఏమనుకుంటున్నారు? (సీనియర్ బిజినెస్ ఫ్లానర్ విభాగంలో)
* మ్యాన్ హోల్స్ గుండ్రంగా ఎందుకుంటాయి? (సాఫ్ట్ వేర్ డెవలప్ మెంట్ ఇంజనీర్ విభాగంలో)
* మైక్రోసాఫ్ట్ క్యాంపస్ ను వాడుకుని షటిల్ సిస్టమ్ ను ఎలా తయారు చేస్తావు? (ప్రోగ్రామ్ మేనేజర్ విభాగంలో)
* 24 గంటల సమయంలో చేతి గడియారంలోని చిన్న, పెద్ద ముల్లులు ఎన్నిసార్లు కలుస్తాయి? (సాఫ్ట్ వేర్ డెవలప్ మెంట్ ఇంజనీర్ విభాగంలో)
* ఓ దీర్ఘకాల కస్టమర్ మీ సేల్స్ రిప్రజంటేటివ్ కారణంగా దూరమయ్యాడు. పరిస్థితిని మీరెలా మారుస్తారు? (సీనియర్ కన్సల్టెంట్ అభ్యర్థికి)
* ల్యాప్ టాప్, కంప్యూటర్లు నిదానంగా ఆన్ అవుతుంటే, సమస్యను ఎలా పరిష్కరించాలి (కస్టమర్ సర్వీస్ అడ్వయిజర్ విభాగంలో)
* ఐదేళ్ల చిన్నారికి ఓ సూత్రం చెప్పాలంటే ఎలా చెప్పాలి? (సాఫ్ట్ వేర్ ఇంజనీర్ అభ్యర్థికి)
* ఓ విమానాశ్రయాన్ని ఎలా డిజైన్ చేస్తావు? (ప్రోగ్రామ్ మేనేజర్ విభాగంలో)
* (ఓ గడియారంలో 11:35 గంటల సమయం చూపి) రెండు ముల్లుల మధ్య కోణాన్ని ఏ ప్రాతిపదికన లెక్కిస్తావు? (సాఫ్ట్ వేర్ డెవలప్ మెంట్ ఇంజనీర్ విభాగంలో)
* రాష్ట్రం వెలుపల లేదా బయటి దేశంలో పనిచేస్తున్న నీ టీం సభ్యుడితో బంధాన్ని ఎలా పెంచుకుంటావు? (ఎగ్జిక్యూటివ్ బిజినెస్ అడ్మినిస్ట్రేటర్ విభాగంలో)
* ఓ క్లిష్టతరమైన సహ ఉద్యోగితో పనిచేయాలంటే ఎలా చేస్తావు? (సీనియర్ ప్రోగ్రామ్ మేనేజర్ విభాగంలో)
* ఓ కంపెనీ సీఈఓతో కలసి లిఫ్ట్ లో వెళుతున్నావనుకో... క్లౌడ్ పై 90 సెకన్లలో చెప్పాలంటే, ఎలా చెబుతావు? (టెక్నికల్ అకౌంట్ మేనేజర్ విభాగంలో)
* అత్యధిక జన సందోహం మధ్య ఇరుక్కుపోయిన నువ్వు ఎలా బయటకు రాగలవు? (సైట్ మేనేజర్ విభాగంలో)
* నీ దగ్గరున్న ప్రొడక్టులో ఓ స్టైలస్ ఉంది. దాన్నెలా స్టోర్ చేస్తావు? ఎలా చార్జ్ చేస్తావు. దానితో ఏమేం చేయగలవు? (మెకానికల్ డిజైన్ ఇంజనీర్ అభ్యర్థికి)
* శరీరంపై ధరించగల ఓ సరికొత్త ప్రొడక్టును డిజైన్ చేసేందుకు నీ రీసెర్చ్ ప్లాన్ ఏంటి? (డిజైన్ రీసెర్చర్ విభాగంలో)
* మాయం కావడం, గాల్లో ఎగరడం... ఈ రెండింటిలో ఓ సూపర్ పవర్ నీకిస్తానంటే ఏది ఎంచుకుంటావు?, ఎందుకు? (హై లెవల్ ప్రొడక్ట్ లీడ్ అభ్యర్థికి)
* ఆఫీసులో సహోద్యోగిని వచ్చి, నీతో లైంగిక సంబంధం పెట్టుకునే ఆలోచన ఉందంటే... (ప్రోగ్రామ్ మేనేజర్ అభ్యర్థికి)
* తన పర్సనల్ కంప్యూటర్ పనిచేయడం లేదని మీ నానమ్మ చెబితే, దగ్గర లేని నువ్వు ఎలా మార్గనిర్దేశం చేస్తావు? (సపోర్ట్ ఇంజనీర్ అభ్యర్థికి)
X

Feedback Form

Your IP address: 54.159.239.251
Articles (Latest)
Articles (Education)