ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

స్వయంభువు శ్రీనివాస క్షేత్రం

Thu, Oct 24, 2013, 11:43 AM
Related Image తిరుమలలోని శ్రీనివాసుడిని బాలాజీ అనీ వేంకటేశ్వరస్వామి అని పిలుస్తూ వుంటారు. అయితే హైదరాబాదు - అల్వాల్ లోని శ్రీనివాసుడిని 'బాలాజీ వేంకటేశ్వరస్వామి' గా కొలుస్తుంటారు. ఈ విధంగా స్వామివారిని కలిపి పిలవడానికి కారణం లేకపోలేదు. బాలాజీ అనే భక్తుడు స్వామివారి స్వయంభువును ప్రతిష్ఠించడం వలన స్వామిని ఈ విధంగా పిలుస్తుంటారు.

పవిత్రమూ మహిమాన్వితము అయిన ఈ క్షేత్రం, భక్తుల పాలిట కల్పతరువులా దర్శనమిస్తుంది. పూర్వం తిరుమల నుంచి కాశీకి బయలుదేరిన బాలాజీ అనే భక్తుడు, ఈ ప్రదేశంలో విశ్రమించినప్పుడు వేంకటేశ్వరస్వామి విగ్రహం కంటపడిందట. అంతకు పూర్వమే ఆ విగ్రహం మహర్షుల వలన పూజలందుకుందని ఆయన గ్రహించాడు. స్థానికుల సహాయ సహకారాలతో ఆయన ఆ విగ్రహాన్ని చిన్న మందిరంలో ప్రతిష్ఠించాడు.

ఆ తరువాత రాజా చందూలాల్ బహదూర్ స్వామివారి దర్శనానికి వచ్చినప్పుడు, ఆలయాన్ని అభివృద్ధి చేయమంటూ అశరీరవాణి వినిపించిందట. దాంతో ఆయన ఆలయాన్ని శోభాయమానంగా తీర్చిదిద్దాడు. ఇక్కడి వేంకటేశ్వరుడు మహిమాన్వితుడు కావడం వలన, భక్తులకు కోరిన వరాలు లభిస్తూ వుంటాయి.

గర్భాలయంలో స్వామివారు ... ఆ పక్కనే గల మందిరంలో గోదాదేవి పూజలందుకుంటూ వుంటారు. ఉగాది ... శ్రీరామనవమి ... దసరా నవరాత్రులలో ప్రత్యేకపూజలు నిర్వహిస్తుంటారు. ఇక ధనుర్మాసంలోను ... మార్గాశిరమాసంలో జరిగే బ్రహ్మోత్సవాల్లోను భక్తులు విశేష సంఖ్యలో పాల్గొంటూ వుంటారు. ఆ స్వామి సేవాభాగ్యంలో మనసారా తరిస్తుంటారు.
X

Feedback Form

Your IP address: 50.16.52.237