ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

పితృ తిథిన దైవపూజ?

Sat, Aug 31, 2013, 12:57 PM
Related Image పితృతిథి రోజున పితృదేవతలను ఆహ్వానించి మడికట్టుకుని వారికి ఇష్టమైన వంటకాలను సిద్ధం చేయడం, పితృదేవతలను పూజించి బ్రాహ్మణులకు భోజనాలు ఏర్పాటు చేయడం అనాదిగా ఆచారంగా వస్తోంది. ఈ విధంగా చేయడం వలన పితృ దేవతలు సంతృప్తి చెందుతారని అంతా భావిస్తుంటారు.

అయితే ఇలా పెద్దల తిథులకి సంబంధించిన రోజుల్లో, రోజువారి పూజ చేసుకోవచ్చో లేదో తెలియక చాలామంది తికమక పడుతుంటారు. పితృ కార్యానికి ముందు దేవుడికి నైవేద్యం పెట్టాలో, ఆ తరువాత సమర్పించాలో అర్థంకాక అయోమయానికి లోనవుతుంటారు. పెద్దల తిథి రోజున నిత్య పూజలు యధావిధిగా చేయవచ్చని శాస్త్రం చెబుతోంది. ఈ రోజున దైవానికి పాలు - పండ్లు నైవేద్యంగా సమర్పించవచ్చు. కానీ మహా నైవేద్యాన్ని మాత్రం ... పితృ దేవతలతో పాటే నివేదన చేయాలని శాస్త్రం చెబుతోంది.

పితృకార్యానికి వచ్చిన బ్రాహ్మణులకు వడ్డన జరుగుతోన్న సమయంలోనే, ఆయా పదార్థాలను మరో పళ్లెంలోకి తీసి దైవానికి సమర్పించాలని అంటోంది. ఈ విధంగా చేయడం వలన ఎలాంటి దోషం కలగదని చెబుతోంది. ముందుగా తల్లిదండ్రులను పూజించాలనీ, ఆ తరువాత దైవాన్ని ఆరాధించాలనే అర్థం ఈ ఆచారంలో దాగివుందనే విషయం మనకి బోధపడుతుంది.
X

Feedback Form

Your IP address: 54.161.175.236