ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

ఆపదలను తొలగించే అయ్యప్పస్వామి

Wed, Jun 29, 2016, 09:20 AM
Related Image అయ్యప్పస్వామి చూపిన మహిమలు అన్నీ ఇన్నీ కావు. అందువలన ఆ స్వామి దీక్ష తీసుకునేవారి సంఖ్య పెరుగుతూ వస్తోంది. దీక్ష తీసుకునే భక్తులు ఆ స్వామికి అనునిత్యం పూజాభిషేకాలు జరుపుకోవడానికి గాను, తమ గ్రామాల్లోనే ఆయన ఆలయాలను నిర్మించుకుంటున్నారు. అలా భక్తుల సంకల్ప బలంతో నిర్మితమైన ఆలయాలలో ఒకటి 'కీతవారిగూడెం'లో కనిపిస్తుంది.

నల్గొండ జిల్లా గరిడేపల్లి మండలం పరిథిలో ఈ ఆలయం దర్శనమిస్తుంది. సువిశాలమైన ప్రదేశంలో నిర్మించబడిన ఈ ఆలయం ప్రశాంతతకు ప్రతీకగా కనిపిస్తుంది. ఆలయాన్ని తీర్చిదిద్దిన తీరు మనసును దోచేస్తుంది. సాధారణమైన రోజుల్లో రద్దీ తక్కువగానే వున్నా, దీక్షా కాలంలో భక్తుల సంఖ్య చాలా ఎక్కువగా ఉంటుంది.

ప్రధానమైన రహదారికి దగ్గరలో ఉండటం వలన, ఈ ఆలయాన్ని భక్తులు దర్శించుకుని వెళుతుంటారు. ఆపదలను గట్టెక్కించే స్వామిగా అయ్యప్పస్వామిని గురించి భక్తులు అనుభవపూర్వకంగా చెబుతుంటారు. ఇక్కడికి సమీపంలో 'రామలింగేశ్వరస్వామి' ఆలయం అలరారుతోంది. ఈ ఆలయం కూడా భారీ నిర్మాణంతో .. భక్తులను ఆకట్టుకుంటూ ఉంటుంది. రామలింగేశ్వరస్వామి దర్శనమే పాపాలను హరించివేస్తుందని అంటారు.
X

Feedback Form

Your IP address: 54.211.121.63