ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

రాహుగ్రహ దోష ప్రభావం ఇలా తగ్గుతుంది

Sat, Feb 14, 2015, 11:05 PM
జాతకంలో రాహుగ్రహ సంబంధమైన దోషం వున్నవాళ్లు నానాఅవస్థలు పడుతుంటారు. బంధుమిత్రులతో మనస్పర్థలు తలెత్తుతూ వుండటం ... తలపెట్టినపనులకి ఆటంకం కలుగుతూ వుండటం ... అవమానాలు ఎదురవుతూ వుండటం ఈ దోషం గలవారికి మరింత బాధను కలిగిస్తూ వుంటాయి. రాహువును శాంతింపజేయడం కోసం ఎవరికి తెలిసిన ప్రయత్నం వాళ్లు చేస్తుంటారు.

రాహుగ్రహ ప్రభావాన్ని తగ్గించే మార్గాలలో ఒకటిగా 'అష్టముఖి' రుద్రాక్ష ధారణ కనిపిస్తుంది. ఎనిమిది ముఖాలు కలిగిన ఈ రుద్రాక్ష ఎంతో శక్తిమంతమైనది ... మరెంతో మహిమాన్వితమైనది. రుద్రుడి కంటి నుంచి ఉద్భవించిన రుద్రాక్ష, వివిధ రకాలుగా ... వివిధ గుణాలతో కనిపిస్తూ వుంటుంది. ప్రతి రుద్రాక్ష కూడా తనదైన ప్రత్యేకతను సంతరించుకుని వుంటుంది. ఆ విశేషాన్ని తెలుసుకుని తాము ఆశించే ప్రయోజనానికి తగిన రుద్రాక్షను ధరిస్తుంటారు. ఇలా ఆరోగ్యాన్నీ .. ఐశ్వర్యాన్నీ .. కార్యసిద్ధిని ... గ్రహసంబంధమైన దోషాల నుంచి బయటపడటానికిగాను తగిన రుద్రాక్షలను ధరిస్తుంటారు.

ఈ నేపథ్యంలో రాహుగ్రహ సంబంధమైన దోష ప్రభావం నుంచి బయటపడటానికిగాను అష్టముఖి రుద్రాక్ష ధారణ మంచిదని చెప్పబడుతోంది. అష్టముఖి రుద్రాక్షకు పాలకుడు రాహువే. అందువలన ఈ రుద్రాక్షను ధరించడం వలన ఆయన శాంతిస్తాడని అంటారు. రాహువు శాంతించడం వలన ఆయన చూపే ప్రతికూల ప్రభావం తగ్గుతుంది. ఫలితంగా ఈ రుద్రాక్షను ధరించినవారి మనసు తేలికపడుతుంది ... ఆశించిన ప్రయోజనం నెరవేరుతుంది.
X

Feedback Form

Your IP address: 54.167.149.128